بكرة ابنساك وتصير عادي......

@..... بكرة ابنساك وتصير عادي ......@

ابشرك يامن علينا تغليت
بكرة ابنساك وتصير عادي
ودي اعرف انا ويش سويت
وليش انتا تنوي البعادي
ان كان تحسبني بحقك اخطيت
مخطي ولا تبغى كود العنادي
ان جيت نادم... ولا تخليت
ماقدر اطيع القلب لوك تنادي
نفسي عزيزة ولا قد ذليت
ما اذل الا لـ رب العبادي
نزعت حبك من القلب شليت
كل المحبة من اقصى فوادي
ياما سهرت الليل وباسمك تناديت
وياما من اجلك عفت الرقادي
واليوم انا عن حبك تخليت
وياليتني مرتاح من اول وبادي
ولا شلت كفا وعلى كف حطيت
ولا من اجلك قد عفت زادي
ولعت حبك في خفوقي وقفيت
والنار تورث دايم رمادي
تلعب على بالك بقلبي تسليت
واليوم انا بوقف لك اكبر معادي
انتا عديم احساس لا تقول زليت
انت الزلل عندك ابعد بعادي
كلك خطايا ان رحت وان جيت
وكل الخطايا منك ... تمادي

طبعا مو انا كاتبه هالقصيدة ولا بعرف مين الي كتبها